તા.૧૨ મી એપ્રિલે મુખ્યમંત્રીશ્રી આણંદ જિલ્લાની મુલાકાતે

Publish Date : 11/04/2025

નડિયાદ-પેટલાદ-ખંભાત રોડ પર પેટલાદ કોલેજ ચોકડી પાસેના રૂપિયા ૩૧ કરોડના ખર્ચે તૈયાર થયેલ ઓવર બ્રિજનું કરશે લોકાર્પણ

મુખ્યમંત્રીશ્રીના કાર્યક્રમના સુચારુ આયોજન સંદર્ભે જિલ્લા વિકાસ અધિકારીશ્રીના અધ્યક્ષસ્થાને બેઠક યોજાઈ

આણંદ, બુધવાર: આગામી તા. ૧૨ એપ્રિલના રોજ મુખ્યમંત્રીશ્રી ભૂપેન્દ્રભાઈ પટેલ આણંદ જિલ્લાની મુલાકાતે પધારનાર છે. મુખ્યમંત્રીશ્રી જિલ્લાના નડિયાદ-પેટલાદ-ખંભાત રોડ પર આવેલ પેટલાદ કોલેજ ચોકડી પાસેના રૂપિયા ૩૧ કરોડના ખર્ચે તૈયાર થયેલા રેલવે ઓવર બ્રિજનું લોકાર્પણ કરશે.

મુખ્યમંત્રીશ્રીની આણંદ જિલ્લાની મુલાકાતને ધ્યાને લઇ જિલ્લા વિકાસ અધિકારી અધિકારી સુશ્રી દેવાહુતીના અધ્યક્ષસ્થાને કાર્યક્રમના સુચારુ આયોજન – અમલીકરણ અર્થે સબંધિત વિભાગના અમલીકરણ અધિકારીશ્રીઓ સાથે કલેકટર કચેરી ખાતે બેઠક યોજાઈ હતી.

જિલ્લા વિકાસ અધિકારીશ્રીએ મુખ્યમંત્રીશ્રીના પેટલાદ ખાતેના કાર્યક્રમને ધ્યાને લઈ સબંધિત અધિકારીશ્રીઓને તેમના હસ્તકની કામગીરી સુચારૂ રૂપે થાય તે જોવા જણાવી જરૂરી માર્ગદર્શન આપ્યું હતુ.

આ બેઠકમાં નિવાસી અધિક કલેક્ટરશ્રી આર.એસ. દેસાઈએ વિવિધ વિભાગના અધિકારીશ્રીઓને તેમના કાર્યક્ષેત્ર અંતર્ગત કરવાની થતી કામગીરીથી માહિતગાર કરી કાર્યક્રમના સ્થળ, હેલીપેડ, રસ્તા, ટ્રાફિક સહિતની આનુસાંગિક તમામ વ્યવસ્થાઓ સંદર્ભે ઉપસ્થિત અધિકારીશ્રીઓને જરૂરી સૂચના-માર્ગદર્શન આપ્યુ હતુ.

આ બેઠકમાં નાયબ વન સંરક્ષક શ્રી સુરેશ મીણા, પેટલાદના મદદનીશ કલેક્ટર શ્રી હિરેન બારોટ, નાયબ જિલ્લા પોલીસ અધિક્ષક શ્રી પી.કે. દિયોરા, આણંદ પ્રાંત અધિકારીશ્રી મયુર પરમાર, બોરસદ પ્રાંત અધિકારીશ્રી અમિત પટેલ સહિત વિવિધ વિભાગના અધિકારીઓ ઉપસ્થિત રહ્યા હતા.

તા.૧૨ મી એપ્રિલે મુખ્યમંત્રીશ્રી આણંદ જિલ્લાની મુલાકાતે