વિકાસ સપ્તાહ – 2025

Publish Date : 14/10/2025

આણંદ ખાતે તા.૧૫ ઓક્ટોબર ના રોજ વિકાસ સપ્તાહ અંતર્ગત વિવિધ વિકાસ કામોનું લોકાર્પણ અને ખાતમુહૂર્તનો કાર્યક્રમ યોજાશે

આણંદ, સોમવાર: આણંદ જિલ્લામાં વિકાસ સપ્તાહની ઉજવણી કરવામાં આવી રહી છે. ૨૪ વર્ષ જન વિશ્વાસ, સેવા અને સમર્પણના અંતર્ગત રાજ્ય સરકાર દ્વારા તારીખ ૭ મી ઓક્ટોબરથી તા.૧૫ મી ઓક્ટોબર સુધી વિકાસ સપ્તાહની ઉજવણી અંતર્ગત વિવિધ કાર્યક્રમો યોજવામાં આવી રહ્યા છે.

આણંદ જિલ્લામાં જિલ્લા વહીવટી તંત્ર દ્વારા વિકાસ સપ્તાહ ની ઉજવણી અંતર્ગત આજે તારીખ ૧૫ મી ઓક્ટોબર બુધવારના રોજ સવારે ૧૦-૦૦ કલાકે ધીરજલાલ જે. શાહ ટાઉનહોલ, આણંદ ખાતે વિવિધ વિકાસ કામોનું લોકાર્પણ અને ખાતમુહૂર્તનો કાર્યક્રમ યોજાશે.

આ કાર્યક્રમમાં નાયબ મુખ્ય દંડક શ્રી રમણભાઈ સોલંકી, સાંસદ શ્રી મિતેશભાઇ પટેલ, જિલ્લા પંચાયત પ્રમુખ શ્રી હસમુખભાઈ પટેલ, આણંદ જિલ્લાના ધારાસભ્યશ્રીઓ સહિત પદાધિકારીઓ, અધિકારીઓ અને મોટી સંખ્યામાં નગરજનો હાજર રહેશે.