કરમસદ આણંદ મહાનગરપાલિકા દ્વારા જાહેર માર્ગ ઉપર દબાણ કરનાર 48 એકમો પાસેથી વસૂલ કર્યો રૂપિયા 2.40 લાખનો દંડ

Publish Date : 07/01/2026

આણંદ, બુધવાર: કરમસદ આણંદ મહાનગરપાલિકાના કમિશનર શ્રી ની સૂચના અને માર્ગદર્શન મુજબ મનપાના એસ્ટેટ વિભાગની ટીમ દ્વારા જાહેર રસ્તાઓ ઉપર દબાણ કરનાર, ટ્રાફિકને અડચણરૂપ થનાર લારી ગલ્લા વાળા પાસેથી દંડની રકમ લેવાની ખાસ ઝુંબેશ શરૂ કરવામાં આવી છે.

આ કાર્યવાહી અંતર્ગત મહાનગરપાલિકાના

એસ્ટેટ વિભાગ દ્વારા વિધાનગર વિસ્તારમાં જાહેર રસ્તાઓ ઉપર દબાણ કરતા 48 એકમો સામે દંડનીય કાર્યવાહી કરતા વહીવટી ચાર્જ પેટે રૂ. 2,40,000 નો દંડ વસૂલ કરવામાં આવ્યો છે.

મહાનગરપાલિકાના એસ્ટેટ ઇન્સ્પેક્ટર દ્વારા જણાવવામાં આવ્યું છે કે મનપા વિસ્તારમાં લોકોને અડચણરૂપ થાય તે રીતે, જાહેર રસ્તા ઉપર ટ્રાફિક ની સમસ્યા ઉદભવે તેમ લારી ગલ્લાઓ ઊભા રાખવામાં આવશે તો કાયદાની જોગવાઈ ને આધીન કાર્યવાહી કરવામાં આવશે. જેથી મહાનગરપાલિકા વિસ્તારના લારી ગલ્લાવાળાઓ જાહેર રસ્તાઓ ઉપર લારી ગલ્લાઓ ન ઉભા રાખે તેમ પણ જણાવવામાં આવ્યું છે.

કરમસદ આણંદ મહાનગરપાલિકા દ્વારા જાહેર માર્ગ ઉપર દબાણ કરનાર 48 એકમો પાસેથી વસૂલ કર્યો રૂપિયા 2.40 લાખનો દંડ