કરમસદ આણંદ મહાનગરપાલિકા દ્વારા અમૂલ ડેરી રોડ ઉપર આવેલ એલ.આઇ.સી ઓફિસ ખાતે આવતા મુલાકાતીઓ કમ્પાઉન્ડમાં પાર્કિંગ કરે તે માટે ખાસ તાકીદ કરાઈ

Publish Date : 08/12/2025

આણંદ, શનિવાર: કરમસદ આણંદ મહાનગરપાલિકાના કમિશનર શ્રી ની સુચના મુજબ મહાનગરપાલિકાની એસ્ટેટ વિભાગની ટીમ દ્વારા અમૂલ ડેરી રોડ ઉપર આવેલ શાકમાર્કેટ અને તેની બાજુમાં આવેલ વકીલ ચેમ્બર્સ તથા એલઆઇસી ઓફિસ ખાતે આકસ્મિક ચેકિંગ હાથ ધરવામાં આવ્યું હતું. આ ચેકિંગ દરમિયાન મુલાકાતીઓ વાહન કમ્પાઉન્ડમાં પાર્કિંગ કરતા ન હોવાનું માલુમ પડેલ છે. જે ધ્યાને લઈ મનપા ની ટીમ દ્વારા અધિકારીઓને પાર્કિંગ કમ્પાઉન્ડ વોલની અંદર જ કરાવવા માટે ખાસ સુચના આપી છે.

મહાનગરપાલિકાના એસ્ટેટ વિભાગના અધિકારી ના જણાવ્યા મુજબ નાગરિકોને સુખાકારી મળી રહે તથા ટ્રાફિકની સમસ્યા ના રહે તે માટે અમૂલ ડેરી રોડ ઉપર આવેલ મોટી શાકમાર્કેટ, વકીલ ચેમ્બર  એલઆઇસી ઓફિસ અને અન્ય જગ્યાઓ ઉપર આવતા લોકો પોતાના વાહનો જાહેર રસ્તા ઉપર ના મૂકે અને વાહનો ખોટી રીતે પાર્કિંગ કરવાથી ટ્રાફિકની સમસ્યા ન ઉદભવે તે જોવા માટે ખાસ સુચના આપી છે અને જો તેમ કરવામાં નહીં આવે તો મહાનગરપાલિકા દ્વારા કાયદાની જોગવાઈને આધીન કાર્યવાહી કરવામાં આવશે તેમ પણ જણાવવામાં આવ્યું છે.