આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
Publish Date : 17/08/2026
કેદીઓના સર્વાંગી સુધારા અને સુરક્ષા સુવિધાથી સજ્જ : બાકરોલ ખાતે ૩૭૦ ની ક્ષમતા ધરાવતી નવીન જિલ્લા જેલનું લોકાર્પણ કરાયું
ગુજરાત રાજ્ય પોલીસ આવાસ નિગમ દ્વારા આણંદ જેલ અને નડિયાદ જેલ ખાતેના કક્ષા સી-૦૮ તથા બી-૧૬ પોલીસ આવાસોનું ઇ-લોકાર્પણ
આણંદ, શુક્રવાર , ગુજરાત રાજ્ય પોલીસ આવાસ નિગમ લિમિટેડ દ્વારા આણંદ જિલ્લાના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલ તથા નડિયાદ જિલ્લા જેલ, બિલોદરા ખાતે ₹ ૬૯૮.૪૫ લાખના ખર્ચે તૈયાર કરાયેલ કક્ષા સી-૦૮ તથા બી-૧૬ (પી+૬) નવનિર્મિત પોલીસ આવાસોનું લોકાર્પણ નાયબ મુખ્યમંત્રી શ્રી હર્ષ સંઘવીના વરદહસ્તે કરવામાં આવ્યું હતું. આ પ્રસંગે મંત્રી સર્વ શ્રી રમણભાઈ સોલંકી, શ્રી કમલેશભાઈ પટેલ, શ્રી સંજ્યસિંહ મહિડા, સાંસદ શ્રી મિતેષભાઈ પટેલ, ધારાસભ્ય સર્વ શ્રી યોગેશભાઈ પટેલ, શ્રી ચિરાગભાઈ પટેલ, શ્રી હર્ષદભાઈ પરમાર અને નડિયાદના ધારાસભ્ય શ્રી પંકજભાઈ દેસાઈ, જિલ્લા અગ્રણી શ્રી સંજ્યભાઈ પટેલ અને કાંતિભાઈ સોઢા પરમાર સહિતના મહાનુભાવો તેમજ પોલીસ વિભાગના ઉચ્ચ અધિકારીશ્રીઓ ઉપસ્થિત રહ્યા હતા.
નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ કરવામાં આવેલ આણંદ જિલ્લાના બાકરોલ ખાતે નવનિર્મિત જિલ્લા જેલનું બાંધકામ વીજળીકરણ સહિત કુલ અંદાજિત રૂ. ૬૭.૫૨ કરોડના ખર્ચે પૂર્ણ કરવામાં આવ્યું છે. ૧,૨૦,૦૦૦ ચોરસ મીટરના કુલ સાઇટ વિસ્તાર અને ૧૬૩૫૬.૧૦૩ ચોરસ મીટરના બિલ્ટઅપ એરિયામાં ફેલાયેલી આ જેલમાં પુરુષ કેદીઓ માટે ૩૩૦ અને મહિલા કેદીઓ માટે ૪૦ મળી કુલ ૩૭૦ કેદીઓને રાખવાની આધુનિક ક્ષમતા ઊભી કરવામાં આવી છે.
જેલ માત્ર શિક્ષાત્મક નહીં પરંતુ સુધારાત્મક ગૃહ બને તેવા અભિગમ સાથે આ નવનિર્મિત જેલ સંકુલમાં કેદીઓ માટે વોકેશનલ ટ્રેનિંગ, લીગલ એઈડ, સ્ટડી સેન્ટર અને લાઇબ્રેરી જેવી સુવિધાઓ ઉપલબ્ધ કરાવવામાં આવી છે. આ ઉપરાંત કેદીઓના સર્વાંગી વિકાસ માટે ઇનડોર ગેમ્સ, કલ્ચરલ હોલ, મેડિટેશન હોલ તથા ઓપન એર થિયેટર જેવી સુવિધાઓ તેમજ હોસ્પિટલ, કૅન્ટીન, લોન્ડ્રી, બાર્બર શોપ અને વેલ્ફેર ઓફિસ જેવી દૈનિક જરૂરિયાતોની વ્યવસ્થા પણ ઊભી કરાઈ છે.
જેલ સંકુલમાં જેલ સુરક્ષા અને તકેદારીને ધ્યાનમાં રાખીને અદ્યતન હાર્ડકોર બેરેક, મહિલા બેરેક, અંડર ટ્રાયલ બેરેકની સાથે વોચ ટાવર, વિડિયો કોન્ફરન્સિંગ સુવિધા ધરાવતો કોર્ટ રૂમ અને એસ.આર.પી. બેરેકની વિશેષ વ્યવસ્થા કરવામાં આવી છે. સંકુલમાં વહીવટી બિલ્ડિંગ અને કિચન-ડાઇનિંગ હોલની આધુનિક સગવડોથી સુરક્ષા અને સંચાલન બંને વધુ સુદ્રઢ બનશે.
આ ઉપરાંત ખેડા જિલ્લાના નડિયાદ જેલ, બિલોદરા ખાતે રૂ. ૬૮૯.૪૫ લાખના ખર્ચે નવનિર્મિત સી-૦૮ અને બી-૧૬ કક્ષાના ક્વાટર્સનું પણ નાયબ મુખ્યમંત્રીશ્રીના હસ્તે ઈ-લોકાર્પણ કરવામાં આવ્યું હતું. લિફ્ટ, ફાયર ફાઇટિંગ જેવી તમામ આધુનિક સુવિધાઓથી સજ્જ આ આવાસોથી પોલીસ કર્મચારીઓ અને તેમના પરિવારોને ઉત્કૃષ્ટ રહેઠાણ સુવિધા મળશે.
બાકરોલ જેલ સંકુલમાં જેલ સ્ટાફ અધિકારીઓ અને કર્મચારીઓના રહેણાંક માટે બી-૩૬, સી-૧૨ અને ડી-૦૨ મળી કુલ ૫૦ ક્વાટર્સની સુવિધા પણ તૈયાર કરવામાં આવી છે.
આ સંકુલોના લોકાર્પણ બાદ નાયબ મુખ્યમંત્રીશ્રી તથા ઉપસ્થિત અગ્રણીઓએ નવનિર્મિત જેલ સંકુલ, મહિલા યાર્ડ અને હાર્ડકોર સેલની મુલાકાત લઈ નિરીક્ષણ કર્યું હતું.
આ પ્રસંગે પોલીસ મહાનિર્દેશક શ્રી ડો. કે. એલ.એન રાવ, મેનેજીંગ ડીરેક્ટર શ્રીમતી નિપુણા તોરવણે, નાયબ પોલીસ મહાનિરીક્ષક શ્રી રાકેશ બારોટ, આણંદ જિલ્લા કલેકટર શ્રી પ્રવીણ ચૌધરી, જિલ્લા વિકાસ અધિકારી સુશ્રી દેવાહુતિ, પોલીસ અધિક્ષક શ્રી ગૌરવ જસાણી સહિતના અધિકારીશ્રી અને પદાધિકારીશ્રીઓ ઉપસ્થિત રહયાં હતા.
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
આણંદના બાકરોલ ખાતે ₹ ૬૭.૫૨ કરોડના ખર્ચે નવનિર્મિત આધુનિક જિલ્લા જેલનું રાજ્યના નાયબ મુખ્યમંત્રી શ્રી હર્ષ સંઘવીના વરદહસ્તે લોકાર્પણ
