ચિખોદરા ચોકડી થી સારસા સુધીનો માર્ગ ઉપર

પ્રકાશિત તારીખ : 24/09/2025

 પેચવર્ક પેવર પટ્ટાની કામગીરી પૂર જોશ માં

આણંદ, મંગળવાર: આણંદ જિલ્લામાં ચીખોદરા ચોકડીથી સારસા ગામને જોડતો રસ્તો ૭ કિ.મી. લંબાઈનો ૧૦ મીટર પહોળાઈ ધરાવતો રાજ્ય ધોરી માર્ગ છે. આ રસ્તા પર ચાલુ વષૅ ના ચોમાસામાં થયેલ ભારે વરસાદને કારણે પડેલ ખાડામાં સમયાંતરે માર્ગ અને મકાન વિભાગ દ્વારા વેટમીક્ષ/હોટમીક્ષ/કોંક્રીટ મટીરીયલ્સથી પેચવર્ક કરવામાં આવેલ છે. આ રસ્તા પરથી પસાર થતા વાહનચાલકોને અગવડતા ન પડે તે હેતુથી અને હાલ વરસાદ બંધ થયો હોવાથી હોટમીક્ષ મટીરીયલથી આ રસ્તા ઉપર પેચવર્કની કામગીરી યુદ્ધના ધોરણે શરૂ કરવામાં આવી છે.

ચોમાસાની સીઝન પૂર્ણ થતાં તાત્કાલીક અસરથી ચીખોદરા ચોકડી થી સારસા સુધીના રસ્તાની રીસરફેસીંગની કામગીરી શરુ કરવામાં આવશે, એટલે કે રસ્તો નવો તૈયાર કરવામાં આવશે.

વરસાદ સંપૂર્ણ રીતે વિરામ લે ત્યાં સુધી લોકોને અવરજવર કરવામાં તકલીફ ન પડે તે માટે હાલ પૂરતો રસ્તો ખાડાઓનું હોટ મિક્સ મટીરીયલથી પુરાણ કરીને પેચ વર્ક પેવર પટ્ટાથી રસ્તો મોટરેબલ બનાવવામાં આવી રહ્યો છે, તેમ માર્ગ અને મકાન વિભાગના કાર્યપાલક ઇજનેર શ્રી હિતેશ ગઢવી દ્વારા જણાવવામાં આવ્યું છે.

ચિખોદરા ચોકડી થી સારસા સુધીનો માર્ગ ઉપર

ચિખોદરા ચોકડી થી સારસા સુધીનો માર્ગ ઉપર