દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
પ્રકાશિત તારીખ : 03/09/2025
પેટલાદની એસ.એસ.હોસ્પિટલ ખાતે જુલાઈ અને ઓગસ્ટ-૨૦૨૫ ના બે માસની કુલ ઓ.પી.ડી. ૪૧૮૯૩ નોંધાઈ
આયુષ્યમાન યોજના હેઠળ આવતા દર્દીઓને છેલ્લા બે માસ દરમિયાન વિવિધ સારવાર પુરી પાડવામાં આવી, આ યોજના અંતર્ગત ૧૧૮૦ કેસ ના રૂ. ૧.૨૪ કરોડ ઉપરાંત ના કલેમ કરવામાં આવ્યા
આણંદ, મંગળવાર: રાજ્ય સરકાર દ્વારા સંચાલિત શ્રી સયાજી હોસ્પિટલ (એસ.એસ.હોસ્પિટલ), પેટલાદ ખાતે દર્દીઓને શ્રેષ્ઠ આરોગ્યલક્ષી સેવાઓ પુરી પાડવામાં અગ્રેસર છે.
એસ.એસ.હોસ્પિટલ, પેટલાદના સિવિલ સર્જન શ્રી ડોક્ટર ગિરીશ કાપડિયાના જણાવ્યા મુજબ હોસ્પિટલ ખાતે દર્દીઓને લગતી વિવિધ સેવાઓ, પ્રસુતિને લગતી સેવાઓ, બાળ રોગ ઓ.પી.ડી., માનસિક રોગની ઓ.પી.ડી., જનરલ સર્જરી, ફિઝીશીયન ઓ.પી.ડી, આંખના વિવિધ રોગોની સારવાર, ડી.ઇ.આઇ.સી. – વિભાગ, દાંત વિભાગ, હાડકાના વિવિધ રોગોની સારવાર તેમજ ક્લબ ફુટની સારવાર વિના મૂલ્યે આયુષ્યમાન કાર્ડ અંતર્ગત ઉપલબ્ધ છે.
તેમના જણાવ્યા પ્રમાણે જુલાઈ અને ઓગસ્ટ-૨૦૨૫ બે માસની કુલ ઓ.પી.ડી. ૪૧,૮૯૩ નોંધાઇ છે. જે હોસ્પિટલ ખાતેના ઇતિહાસ પ્રમાણે અત્યાર સુધીની સૌથી વધુ ઓપીડી છે. આ ઉપરાંત છેલ્લા બે માસમાં કુલ દાખલ દર્દીઓની સંખ્યા પણ ૯,૮૯૬ જેટલી નોંધનીય રહેલ છે. જ્યારે લેબોરેટરી વિભાગમાં વિવિધ પ્રકારના ૧,૫૨,૦૮૮ જેટલા ટેસ્ટ કરવામાં આવ્યા છે જે પણ એક સિદ્ધિ છે. આ ઉપરાંત જુલાઈ અને ઓગસ્ટ માસ દરમિયાન કુલ ૮૮૬ મેજર ઓપરેશન અને ૯૧૭ માઈનોર ઓપરેશન પણ કરવામાં આવ્યા છે.
એસ. એસ.હોસ્પિટલ, પેટલાદ ખાતે આયુષ્યમાન યોજના હેઠળ આવતા દર્દીઓને છેલ્લા બે માસ દરમિયાન વિવિધ સારવાર પુરી પાડવામાં આવી છે, જેના માટે આ યોજના અંતર્ગત ૧૧૮૦ કેસ ના રૂ. ૧,૨૪,૬૨,૨૪૦/- ના કલેમ કરવામાં આવ્યા છે. ઉલ્લેખનીય છે કે આ રકમ અત્યાર સુધીની સૌથી વધુ કલેમ થયેલ રકમ છે.
હોસ્પિટલ ખાતે આવતા દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે એસ. એસ. હોસ્પિટલ,પેટલાદ હંમેશા કટિબદ્ધ છે, તેમ ડોક્ટર ગિરીશ કાપડિયાએ વધુમાં ઉમેર્યું હતું.
દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
દર્દીઓને શ્રેષ્ઠ આરોગ્યલક્ષી સેવાઓ મળી રહે તે માટે પેટલાદ એસ.એસ.હોસ્પિટલ કટિબધ્ધ – ડો. ગિરીશ કાપડિયા
