આણંદ જિલ્લામાં વિકાસ સપ્તાહની ઉજવણીનો ચોથા દિવસ, તા.૧૦ ઓક્ટોબર ૨૦૨૫

આજે વિકાસ રથ બોરસદ તાલુકાના ૫૩ ગામોમાં ફરશે

ગ્રામજનોને વિકાસ રથ ના માધ્યમથી યોજનાકીય માહિતી મેળવવા અનુરોધ

વિકાસ સપ્તાહ નો કાર્યક્રમ સવારે ૯-૦૦ કલાકે કઠાણા ખાતે, બપોરના ૧૪-૦૦ કલાકે બોચાસણ ખાતે અને રાત્રે ૨૦-૦૦ કલાકે ભાદરણ ખાતે યોજાશે

આણંદ, ગુરૂવાર: રાજ્ય સરકાર દ્વારા છેવાડાના માનવી સુધી વિકાસના ફળો સીધેસીધા પહોંચાડવા અને સરકારી યોજનાઓથી જન-જાગૃતિ લાવવાના ભગીરથ ઉદ્દેશ્ય સાથે તા. ૦૭ ઓક્ટોબરથી તા. ૧૫ ઓક્ટોબર, ૨૦૨૫ સુધી ‘વિકાસ સપ્તાહ’ની ઉજવણી કરવામાં આવી રહી છે.

આ વિકાસ સપ્તાહ અન્વયે આજે ચોથા દિવસે બોરસદ તાલુકાના કુલ ૪૯ ગામોને આવરી લેવામાં આવશે. બોરસદ તાલુકાના ગામોમાં આ વિકાસ રથ પહોંચીને લોકોપયોગી યોજનાઓ જન-જન સુધી પહોંચાડશે.

આ વિકાસ રથ સવારે ૯-૦૦ કલાકે કઠાણા ગામ ખાતે ખોડીયાર માતાના મંદિરે, બપોરના ૧૪-૦૦ કલાકે સ્વામિનારાયણ મંદિર બોચાસણ ખાતે અને રાત્રે ૨૦-૦૦ કલાકે ગ્રામ પંચાયત કચેરી ભાદરણ ખાતે વિકાસ સપ્તાહનો કાર્યક્રમ યોજાશે.

આજે ચોથા દિવસે તા.૧૦ મી ઓક્ટોબર, શુક્રવારના રોજ વિકાસ રથના ભ્રમણના સવારના ૯:૦૦ થી ૧૧:૦૦ ના સમયગાળા દરમિયાન બોરસદ તાલુકાના ડાલી, બદલપુર, કાલુ,કંકાપુરા, કણભા ,કાંધરોટી, દિવેલ, બનેજડા, જંત્રાલ,દાદપુરા, વાસણા-રાસ, અમીયાદ, રાસ, દહેવાણ સહિતના ૧૪ ગામો, બપોરના ૦૨:૦૦ થી ૦૪:૦૦ ના સમયગાળામાં ગોરેલ, ઉનેલી, રણોલી, ખાનપુર, રુદેલ,વીરસદ, ડભાસી, વહેરા, કાવીઠા,દેદરડા, સંકોતપુરા, સૈજપુર, દાવોલ, બોદાલ, નિસરાયા, હરખાપુર,કસુંબાડ સહિત ૧૭ ગામોમાં વિકાસ રથના માધ્યમથી લોકોને માહિતગાર કરાશે. આ ઉપરાંત રાત્રીના ૮:૦૦ થી ૧૦:૦૦ વાગ્યા દરમિયાન ભાદરણીયા,વાલવોડ, ગાજણા, સારોલ, ઉમલાવ,સિસ્વા, વાછીયેલ, વંડેલી, ઝારોલા, કંસારી, પીપળી, ખેડાસા, ધનાવશી, મોટી શેરડી, નાની શેરડી,વાસણા (બો), અલારસા સહિત ૧૮ ગામોને પણ આ સમયગાળા દરમિયાન આવરી લેવામાં આવ્યા છે.

આણંદ જિલ્લાના નગરજનો આ ‘વિકાસ સપ્તાહ’ની ઉજવણીમાં પોતાના ગામમાં આવતા વિકાસ રથના કાર્યક્રમમાં સહભાગી બની સરકારી યોજનાઓ અને લાભો વિશે માહિતી મેળવી, વ્યક્તિગત તેમજ સામુદાયિક વિકાસની આ યાત્રામાં સક્રિય યોગદાન આપવા આણંદ જિલ્લા વહીવટી તંત્ર દ્વારા અનુરોધ કરવામાં આવ્યો છે.