આણંદ જિલ્લામાં જિલ્લા કક્ષા યૂથ પાર્લામેન્ટનું આયોજન
પ્રકાશિત તારીખ : 29/03/2025
આણંદ,શનિવાર: કમિશનરશ્રી, યુવક સેવા અને સાંસ્કૃતિક પ્રવૃતિઓની કચેરી, ગાંધીનગરના ઉપક્રમે જિલ્લા યુવા અને સાંસ્કૃતિક પ્રવૃતિઓની કચેરી, આણંદ અને પી.એમ.પટેલ કોલેજ, આણંદના સહયોગથી “જિલ્લા કક્ષા યૂથ પાર્લામેન્ટ ૨૦૨૪ -૨૫” નું આયોજન કરવામાં આવ્યું હતું.
આ પ્રસંગે જિલ્લા યુવા વિકાસ અધિકારી, આણંદ અક્ષય મકવાણાએ મંચસ્થ મહાનુભાવોનું સ્વાગત કરવાની સાથે જ પ્રાસંગિક ઉદબોધન કર્યું હતું. કાર્યક્રમમાં બહોળી સંખ્યામાં વિદ્યાર્થીઓએ ભાગ લીધો હતો. આ સ્પર્ધામાં પ્રથમ ક્રમાંકે એલિસ ભરતભાઈ પટેલ (આણંદ લૉ કોલેજ), દ્વિતીય ક્રમાંકે મોઢવાડિયા હિરેન હમીર (ચારૂસેટ યુનિવર્સિટિ, ચાંગા) તથા તૃતીય ક્રમાંકે ક્રિષ્ના સુરેશભાઈ મહેશ્વરી(આણંદ) વિજેતા થયા હતા.
આ કાર્યક્રમમાં વાઇસ પ્રેસિડેન્ટ, પી.એમ.પટેલ કોલેજ આણંદના ડૉ. પાર્થ બીપીનભાઈ પટેલ , પી.એમ.પટેલ કોલેજ આણંદના સેક્રેટરી અને રજીસ્ટ્રારડો. ઈશિતા પટેલ, ડોં. યુગ્માબેન પટેલ તથા જિલ્લા યુવા અને સાંસ્કૃતિક પ્રવૃતિઓની કચેરી આણંદના સ્ટાફ ગણ હાજર રહ્યા હતા.
આણંદ જિલ્લામાં જિલ્લા કક્ષા યૂથ પાર્લામેન્ટનું આયોજન
આણંદ જિલ્લામાં જિલ્લા કક્ષા યૂથ પાર્લામેન્ટનું આયોજન
