મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
પ્રકાશિત તારીખ : 30/06/2025
કુમાર પ્રાથમિક શાળામાં ૧૯૮ બાળકોને જ્યારે કન્યા શાળાના ૮૮ બાળકોને કરાવ્યો શાળા પ્રવેશ
આણંદ, શુક્રવાર: આણંદ જિલ્લામાં બાલ વાટિકા, પ્રાથમિક, માધ્યમિક અને ઉચ્ચતર માધ્યમિક શાળાઓમાં તા.૨૬ થી તા.૨૮ જૂન દરમિયાન સવારે ૮- ૦૦ કલાક થી ૧૩- ૩૦ કલાક દરમિયાન કન્યા કેળવણી મહોત્સવ અને શાળા પ્રવેશોત્સવ કાર્યક્રમના બીજા દિવસે વિવિધ સનદી અધિકારીઓએ શાળાઓમાં જઈને ભૂલકાંઓને શાળા પ્રવેશ કરાવ્યો હતો.
જે અન્વયે ગાંધીનગર સામાન્ય વહીવટી વિભાગના સચિવશ્રી આદ્રા અગ્રવાલ મોગર પ્રાથમિક શાળાના બાળકોને શાળાપ્રવેશ કરાવ્યો હતો.
સચિવશ્રીએ મોગર કુમાર પ્રાથમિક શાળામાં ૧૯૮ બાળકોને જ્યારે કન્યા શાળાના ૮૮ બાળકોને શૈક્ષણિક કીટ આપીને શાળા પ્રવેશ કરાવ્યો હતો.
આ વેળાએ સચિવશ્રીએ જણાવ્યું હતું કે,કન્યા કેળવણી અને શાળા પ્રવેશોત્સવ થકી શાળાઓમાં ૧૦૦ ટકા બાળકનું નામાંકન થાય છે. તદ્દઉપરાંત રાજ્ય સરકાર દ્વારા કન્યા કેળવણી થકી દીકરીઓ અધવચ્ચેથી શાળાનું શિક્ષણ મૂકી ન દે તે માટેના પ્રયાસો પણ સાર્થક થઈ રહ્યા છે, જે અન્વયે ડ્રોપ આઉટ રેશિયો પણ ઘટી ગયો છે.
આ વેળાએ સમગ્ર વર્ષ દરમિયાન શૈક્ષણિક ક્ષેત્રે તથા સહઅભ્યાસિક પ્રવૃત્તિઓમાં ઉત્કૃષ્ટ પ્રદર્શન કરનાર વિદ્યાર્થીઓને મહાનુભાવોના હસ્તે પારિતોષિક એનાયત કરીને બહુમાન કરવામાં આવ્યું હતું અને દાતાઓને પણ મહાનુભાવો દ્વારા સન્માનિત કરાયા હતા.
કન્યા કેળવણી અને શાળા પ્રવેશોત્સવના પ્રસંગે શાળાના વિધાર્થીઓએ પોતાના વિચારો રજૂ કર્યા હતા.
આ પ્રસંગે સચિવશ્રી સહિત મહાનુભાવોએ શાળા પરિસરમાં વૃક્ષોરોપણ કર્યું હતું.
આ પ્રસંગે નાયબ કલેકટર શ્રી ડૉ.મીતાબેન ડોડીયા, પૂર્વ ધારાસભ્ય શ્રી જશવંતસિંહ સોલંકી, સરપંચશ્રી, એસ.એમ.સી કમિટીના સભ્યો, સી.આર.સી.કો ઓર્ડીનેટર, ગ્રામજનો દાતાઓ સહિત વાલીગણ તથા બાળકો ઉપસ્થિત રહ્યાં હતાં.
મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
મોગર પ્રાથમિક શાળા ખાતે બાળકોને સામાન્ય વહીવટી વિભાગના સચિવશ્રી આદ્રા અગ્રવાલે કરાવ્યો શાળા પ્રવેશ
