જિલ્લા કલેક્ટરશ્રી પ્રવિણ ચૌધરીના અધ્યક્ષપદે જિલ્લા રોગી કલ્યાણ સમિતિની બેઠક યોજાઈ

પ્રકાશિત તારીખ : 01/03/2025

આણંદ,શુક્રવાર: કલેકટરશ્રી પ્રવીણ ચૌધરીની અધ્યક્ષતામાં આણંદ જનરલ હોસ્પિટલ ( સિવિલ) ખાતે જિલ્લા રોગી કલ્યાણ સમિતિની ગવર્નિંગ બોડીની બેઠક યોજાઈ હતી.

આ બેઠકમાં જિલ્લા વિકાસ અધિકારી સુશ્રી દેવાહુતી પણ  ઉપસ્થિત રહ્યા હતા.

આ બેઠકમાં વિવિધ ઠરાવ અંગે ચર્ચા કરવામાં આવી હતી. આ બેઠકમાં રોગી કલ્યાણ સમિતિના ફંડ, પ્રધાનમંત્રી જનઆરોગ્યના કેસો, ઓપીડી તેમજ વિવિધ વિભાગો દ્વારા કરવામાં આવેલી કામગીરીની વિસ્તૃત વિગતો સહિત નવી  મશીનરી ખરીદ બાબતે પણ ચર્ચા કરવામાં આવી હતી.

આ બેઠકમાં  સિવિલ હોસ્પિટલ આણંદના સિવિલ સર્જન શ્રી ડોક્ટર અમર પંડ્યાએ જિલ્લા આરોગ્ય વિભાગને લગતી વિસ્તૃત વિગતોથી  જિલ્લા કલેક્ટરશ્રીને અવગત કર્યા હતા.

આ બેઠકમાં રોગી કલ્યાણ સમિતિના સભ્યો સહિત આરોગ્ય વિભાગના કર્મીઓ ઉપસ્થિત રહ્યાં હતાં.

જિલ્લા કલેક્ટરશ્રી પ્રવિણ ચૌધરીના અધ્યક્ષપદે જિલ્લા રોગી કલ્યાણ સમિતિની બેઠક યોજાઈ

જિલ્લા કલેક્ટરશ્રી પ્રવિણ ચૌધરીના અધ્યક્ષપદે જિલ્લા રોગી કલ્યાણ સમિતિની બેઠક યોજાઈ